Алқаптағы ағайынның бейнеті туралы «Masele» ұжымы айтты

5 қазанда Қазақстан халқына Жолдауын жариялаған Елбасы шенеуніктердің шалағайлығынан өзімізде бар азықты өзгелерден ақшаға алып отырғанымызды айтты. Президент «ауыл шаруашылығындағы өнімділікті арттыру керек», - деді. Мысалы, АҚШ халқының 2 пайызы ғана ауылда тұрады. Бірақ, ауыл шаруашылығы өнімімен жер басып жүрген жеті миллиард адамның ішіп-жемін қамтиды. Ал, біздің жұрттың 40 пайызы ауылда, оның тек 20 пайызы ғана алқапта алқынып тер төгіп, төрт түлік ұстап мұртын майға малып отыр. Осы олқылықтың орнын толтыру үшін қазақтың қажетін қамтып, қалғанын шетелге шығару туралы тапсырма берілді. Президент 2022 жылға қарай ауыл шаруашылығы өнімінің экспортын 2,5 есеге көбейту керектігін айтты. Өткен жылы астық экспорттайтын елдердің көшін АҚШ бастаған, тізімде екінші Украина, үшінші Аргентина, төртінші Ресей тұр. «Ал, қазақтың шалғысынан шыққан өнімді сатып алатындардың саны күрт кеміп кеткен»,  дейді сарапшылар.  Оған себеп көп. Қазақтың жерінде өскен аста-төк астықты жинап алу мұң болды. Өйткені, жауын-шашын жылдағыдан көп болып, шаруалардың шаужайынан қақты да отырды. Мәселен, маусымда жауын жоспардағыдан 2,5 есе, шілдеде 30 пайызға артық түскен. Салдарынан ылғал жер темір техникасын сайлаған мамандарды тепеңдетті де қойды. Алқаптағы ағайынның бүгінгі бейнетін, ертеңге еңбекақысының нобайын Гүлжазира Ғалиқызы зерттеп көрді.