«NASA» ғарыш агенттігі арқылы адам алғаш рет Айға қонды

Ғарыш – бізге беймәлім кеңістік. Адамзат оны зерттеуге әрдайым құмар еді. Осы бағытта алғашқы қадамды 1957 жылы Кеңес үкіметі ғарышқа тұңғыш спутникті ұшыру арқылы жасаған. Бұл оқиға АҚШ-қа үлкен серпіліс беріп, олар ғарышты тез арада зерттеуге ден қойды. Осылайша Америка елінде 1958 жылы 29 шілдеде аэронафтика және ғарыш кеңістігін зерттеу жөніндегі ұлттық «NASA» басқармасы құрылды. 1958 жылы «NASA» ғарыш кеңістігінде 8000 адам жұмыс істеген. Алғашында олар 3 ірі лаборатория мен бірнеше сынақ полигонында зерттеу жүргізеді. Бүгінде хайтек саласында түрлі жаңалық ашып жүрген бірден-бір басқарма «NASA» тарихы осылай басталған. «Меркурий», «Джемини», «Аполлон» - Америка басқармасының хайтекте жетістікке жеткен алғашқы жобалары. «Меркурий» бағдарламасы адамның ғарышқа ұшу мүмкіндігін зерттеу мақсатында іске қосылған. Жоба аясында 1961 жылы ғарышқа алғаш рет сапар жасалды. 1961 жылдың аяғында «Джемини» бағдарламасы қолға алынды. Ол екіорындық капсуламен жабдықталған жаңа заман кемелерімен ерекшеленеді. Ішінде ғарышкердің төтенше жағдайда аман қалуына мүмкіндік беретін катапульттық орындықтары болған. 1961-1972 жылдар аралығындағы «Аполлон-1» - ден «Аполлон - 17»-ге дейінгі кезеңде 400 мыңдай адам осы айға ұшу жобасына жұмыс істеді. Алғашқы «Аполлон» кемелерінің сәтсіздіке ұшырауына байланысты бұл сапарларды ресми тіркеу 1967 жылғы «Аполлон-4»-тен басталады. Адамның өз қолымен түсірілген ең алғашқы жер ғалам шарының суреті «Аполлон-8» ұшқанда жасалған. Бүгінге дейін ең жоғары техникалық жетістік саналатын адамзаттың Айға қонуы да «NASA»-ға тиесілі. «Аполлон-11» ғарыш кемесімен жер серігіне алғаш қадам басқан ғарышкер Армстронг Нил. Қазіргі таңда «NASA» телескоптар мен спутниктер арқылы түсірілген фотолары мен видеолары қоғамдық мұра ретінде жарияланады. Күн сайын ғарышты зерттеудің жаңа технологиясын таныстырып келе жатқан «NASA» әуе кеңістігін бағындырушы басқарма.