Мұрат Әбенов: 1,5 млн адам дипломмен жұмысқа орналаса алмай отыр

Елімізде 2014 жылдан бері Елбасы Н.А.Назарбаевтың Мәңгілік ел идеясының шеңберінде «Серпін- 2050: Мәңгілік ел жастары - индустрияға» атты әлеуметтік жоба жұмыс жасайды. «Серпін-2050» - жарқын болашақ жобасы. Жобанның басты мақсаты еңбек ресурстарының мол артықшылығы орын алып отырған республиканың оңтүстік өңірінің (Алматы, Маңғыстау, Жамбыл, Оңтүстік Қазақстан, Қызылорда облыстары) жастарын еңбек ресурстарына сұраныс көп батыс және солтүстік аймақтарда білім алуға жағдай жасап, кейін сол жерлерде жұмысқа орналастыру мүмкіндігін жасау. Студия қонағы «Серпін» білім және инновация ұлттық палатасының төрағасы Мұрат Әбенов білім саласында, қоғамда алаңдатып жүрген мәселелер төңірегінде сұхбат берді. «Серпін» - еліміздегі танымал әлеуметтік бастамаларының бірі. Бастапқы мақсатымыз іске асты. Осы күнге дейін 22 мың, оның 18,5 мың бала біздің бағдарлама арқылы жоғарғы оқу орнына түсті. Биыл 5 мыңнан астам бала оқу бітіреді. Оларды мамандығына сәйкес жұмысқа орналастырып, тиісті жалақы ұсыну керек. Бағдарламаны іске асыруға қатысқан адам ретінде ойым, баланы білім алған өңірде қалуына мәжбүрлеу қажет емес, оларға жағдай жасап, насихаттау керек. Одан кейінгі мәселе оқу орындарының рейтингісін көру керек. ҚР Еңбек және халықты әлеуметтік қорғау министрлігінің сайтынан аталмыш рейтингті көруге болады. Мықты деген университеттердің өзі соңғы орында. Көбінесе олар мемлекет тапсырмасын орындаймыз деп дайын қаражатты пайдаланады, бірақ нарықтық көзқарас жоқ. Ал, кейбір жеке университеттер бірінші орында. Неліктен? 1,5 млн адам дипломмен жұмысқа орналаса алмай отыр. Проблема неде? Кезінде оқу орындары бизнес жасау немесе мемлекеттен гранттар алу үшін министрлікке белгілі бір маман керек деп жалған ақпарат беріп, грант алған. Ал, ол баланы оқытып болған соң оны жұмысқа орналастырмайды», дейді қоғам қайраткері.