25-26 мамыр күні Алматыда «Халық барысы» өтеді

Елімізде еркін күрес, қазақша күрес, грек-рим күресі, дзюдо, волейбол, тоғызқұмалақ, теннис, футбол, баскетбол, бокс спорт түрлері жақсы дамыған. Онымен қатар қарқынды дамыған спорт түрінің бірі – қазақ күресі. ҚР Қазақ күресі федерациясының менеджері Алтай Бимен «Tańsholpan»-ның қонағы болып, қазақ күресі спортындағы жаңалықтармен бөлісті. «Жыл сайынғы дәстүрге айналған күрес биыл Түркістан облысының Темірлан елді-мекенінде өтті. Турнирге Ресей, Өзбекстан, Моңғолия елдерімен қатар еліміздің барлық өңірлерінен 300-ге тарта палуан қатысты. Ақтық сында Руслан Әбдіразақов жеңіске жетсе, моңғолиялық Серік Бердімұрат пен Дорж Анарға екінші және үшінші орын бұйырды. Бұл жолы турнирдің бас жүлдесіне жаңа автокөлік тарту етілді. Қазақтың кең даласында күрестің түрі көп. Ол жебе, бәйге, белдесу. Белдесу - қазіргі тілмен айтқанда қазақша күрес. Белдесу қазақтың жыр-дастан, тарихында кездеседі. Белдесудің ерекшелігі – шығыны жоқ. Халық спорты болған соң оған міндетті түрде кәсіби спортшы емес, кез келген адам қатыса алады. Өйткені, ережелері қарапайым. Жарыстың ең қызық жері – жүлде. Жүлде қоры жалпы 20 млн. теңгені құрайды. Чемпионға 9 млн, жаттықтырушысына 1 млн, екінші орын – 9 млн, үшінші орын - 5 млн, төртінші орын - 3 млн. теңге», дейді Алтай Бимен. 25-26 мамыр күні Алматы қаласында өтетін турнирді «Qazsport» телеарнасынан тамашалауға болады.