Жайдарбек Күнғожинов: Қазақ каскадерлары шетелде жоғары бағаланады

Жайдарбек Күнғожинов – көптеген жүлделерге ие болған танымал отандық каскадер. Оның «Nomad Stunts» тобы «47 ронинов», «Неудержимые 2» фильмдерінде, «Марко Поло», «Бахубали» хикаяларында, «Тобол» және тағы басқа әйгілі фильмдерде трюктер қойған. Жұмыс аумағы – Голливуд пен Боливуд арасы. «Nomad Stunts» тобы әлемдік деңгейдегі кинотуындыларының шығуына атсалысып келе жатыр, шәкірттерінің өнеріне сұраныс жоғары. Актер, «Nomad Stunts» каскадерлар тобының жетекшісі Жайдарбек Күнғожинов Алматы студиясының қонағы болды. «Nomad Stunts» тобының каскадерлері Сильвестр Сталлоненің командасында өнер көрсетті. Кино алаңда Арнольд Шварценеггер, Брюс Уиллис, Джет Ли, Киану Ривз, Натали Портманмен голливудтық және ресейлік актерлермен кездестік. Қазір жаңа жоба жасаудамыз. Актер Брюс Ли кезінде сценарий жазып кеткен болатын. Алайда оны түсіре алмады. Енді оның қызы сол сценарийді көтеріп, сериал түсіруді жоспарлап отыр. Голливудтық жобаға түсуге біздің топтан алты адам кетті. Шетелдік жобаларда қазақ каскадерлары жоғары бағаланады. Өзім осы өнерді бастағанда шетелге барып үйрендім. Ал, қазір шетелдік каскадерлар бізге келіп, үйреніп жатыр. Отандық жобалардан «Томирис», «Балуан Шолақ» тарихи туындыларға қатыстық. Тарихи кинода ойнаудың қауіпі көп. Жұмыс қиын, бірақ қызық болды. Биыл үлкен жобалар көп. Ол Жапония, Жаңа Зелендия және Чехия елінде түсірілетін кинотуындылар. Одан басқа Қазақстанда да бір-екі жоба бар», дейді актер.