Айдос Сарым «Парасат майданында» БҰҰ-ның идеясы туралы сөз қозғады

БҰҰ - Екінші дүниежүзілік соғыстан кейін дербес мемлекеттердің ерікті түрде бірігуі арқасында құрылған халықаралық ұйым. Ұйымның атауын Америка президенті Рузвельт ұсынып, Жарғысы талқыланып, қабылданды, мақсаттары мен міндеттері белгіленді. Жарғы 1945 жылы 24 қазанда күшіне енді. Оны 1939 жылдары Екінші дүниежүзілік соғыс кезінде фашизмге қарсы болған мемлекеттер белгіледі. Құжаттары орыс, ағылшын, қытай, француз және испан тілдерінде дайындалып, алғашқы 51 мемлекет қол қойды. Жарғы бойынша БҰҰ өз міндеттерін орындау үшін оның мүшелері мына принциптерді басшылыққа алуы қажет: барлық мүшелердің дербес теңдігі, ұлы державалардың бірауыздылығы, халықаралық талас мәселелерді бейбіт келіссөздер арқылы шешу, ұлттар арасындағы достық арақатынасты дамыту және адам құқығын құрметтеу. Жарты ғасырдан астам уақытта ұйым шамасы келгенше халықаралық бейбітшілікті сақтауға, езілген халықтардың бостандыққа жетуіне көмектесті. Осы негізді алты басты органы бар Ұлттар ұйымы өзіне мүше барлық мемлекеттердің жоғарыдағы қағидаларды ұстануын талап етеді. Өйткені, аумалы саяси жағдай көрсетіп отырғандай ұйымның шешімін құрметтей бермейтін ел де бар. Саясаткер Айдос Сарым студия қонағы болып, ұйымның мақсаты, жетістіктері, идеясы туралы сөз қозғады. «Өкінішке қарай саясаттың көптеген құйтырқысы бар. Оның бірі саясаткердің «менің дүниеме сай болса, қабылдаймын, сай болмаса, оны жоққа шығарамын» эгоизмі. БҰҰ-ның шығу тарихына назар аудару керек. Оның бастауында Бірінші дүниежүзілік соғыстан кейінгі құрылған «Ұлттар лигасы» атты ұйым болды. Бірақ, араға 13 жыл салып, «Ұлт лигасы» жойылды, себебі, әр держава өзіне тарта бастады. «Ұлттар лигасы» құрылған кезде дүниеде 40-тан астам ғана мемлекет, ал, БҰҰ құрылған кезде 100-ге жуық мелекет болды. Қазір әлемде 200-ден аса мемлекет бар. Яғни, бүгінгі дүниежүзілік саяси карта әлі аяқталып біткен жоқ», - Айдос Сарым.