Алғашқы кірпіші қаланғаннан бастап көргеннен соң Астана ерекше қала – жазушы Әлібек Асқаров

Әлібек Асқаров елорда іргетасының қалануын алғаш көрген азаматтардың бірі. Студияға қонаққа келген жазушы Астанаға қатысты өзінің естеліктерімен бөлісті. «Астана қаласының туған күніне орай қызық оқиғамен бөліскім келеді. Мысалы, ел біле бермейтін жайттың бірі – 1993 жылдың басында «Қазақ әдебиеті» газетінде бір ақпарат шықты. Ол астананы Ақмолаға көшіру туралы ұсыныс. Бұл ұсыныс зиялы қауым арасында «жарылыс» туғызды. Халық біраз шулап, олар үшін бұл мүмкін емес болып көрінді. Бас редакторды шақыртып, газетке деген наразылығын білдіргендер де болды. Алайда, бас редактор «жазушылар арасында ондай сөз бола береді», деді де қойды. Кейін естігенімізше, Хельсинкиге бір сапарында Президентіміз жазушыларға ұсынысты өзі тастаған екен. Ондағысы қоғам бұл жаңалықты қалай қабылдайды екен деген ой. Ол кезде қоғамда қиындықтар көп болып жатты. Біраз жыл өте келе, біз Президентті қолдайық деген шешім қабылдадық. Басқаларына үлгі көрсету мақсатында өзіміз Ақмолаға көшуге бел будық. Қор ашып, ақша жинап, отбасымызбен бірінші болып көштік. Ал, Үкімет, Президент әкімшілігі, министрліктер кейін келді. Астананың алғашқы кірпіші қаланғаннан бастап көргеннен соң ыстық болады екен», - дейді студия қонағы.