«Форбстың» тізіміндегі 30 жасқа дейінгі ең табысты қазақстандықтар

Жетістікке жетудің көзін тапқан қыз-жігіттердің еңбегі кімге болса да үлгі. Сәуір айының басында «Форбстың» 30 жасқа дейінгі азиялық тізіміне 4 отандасымыз ілініп, елді қуантқан еді. Бұл тізімде жастардың ақшадан бөлек инновациялық, өнертабыстық жаңалығы бағаланады. Көштің басын 23 жасар әлемнің 4 дүркін чемпионы Динара Сәдуақасова бастады. Шахмат академиясының негізін салған Динара әлемнің ең мықты шахматшылар рейтингісінде 12-ші орында. Одан кейінгі жас өнертапқыш «Nommi» жобасының негізін салған Алена Ткаченко. Алена дүниенің кез келген жерінен интернетке оңай қосылатын құрылғы ойлап тапқан. Құрылғы Қытайда арзан бағаға шығарылып, дүниежүзін ғаламтормен қамти алды. «Форбс» тізіміне енгізілген тағы бір отандасымыз – Дәурен Нұров. 29 жасында «Robotron Aspandau» компаниясының негізін қалаған дарынды жастың шекара қызметіне арналған «Қарақұрт» атты жобасы қорғаныс саласындағы жаңалық. Ал, медиамаркетинг саласындағы отындасымыз Зәуре Розмат тізімге енген тағы бір жас кәсіпкер. «The Steppe» медиажобасының авторы қазақстандықтардың тұрмыс-тіршілігі, жұмыс пен қызығушылықтарынан хабар береді. Ол тек елімізде емес Азия бойынша танымал тұлға. Зәуреге Илон Масктің анасы Мей Маскпен кездесу бұйырды. «Tansholpan»-ның тілшілері Зәуре Розматпен тілдесіп қайтты.